Miraculum actum est

Visne super aquas ambulare? Ita, bene audivisti! Sicut Iesus Christus super aquas maris ambulavit, tu quoque mirabiliter undas cuiusdam lacus domare potes. Miraculum tale in Italia fit, definite in parvo vico Longobardiae inter Brixiam et Bergomum sito, Sulcio (Sulzano) nuncupato. Lacus Sebinus huius vici oras alluit.

IMG_3658panoramaIseo
Aspectus lacus Sebini

Sed festina! Enim prodigium istud possibile erit tantum a die XVIII mensis Iunii usque ad diem III mensis Iulii.  Talis rei mirabilis inventor est quidam artifex bulgaricus Christo appellatus (nomen omen!), qui super aquas lacus Sebini collocavit ponticulum cui anglice nomen dedit “The Floating Piers”.

IMG_3656passerella
The Floating Piers
christo
Artifex Christo

Tria chilometra  longum est opus quod iungit vicum Sulcium (Sulzano) cum Monte Insula (Monte Isola), insula maiore in lacu fluctuante.

Iam multi visitatores ad oras lacus longobardici accurrerunt ut novelli Redemptores fierent.

IMG_3655turistisupasserellaIMG_3653Sulzano

Sic ambulando mirari potuerunt aspectum amoenissimum et noctu et diu.

IMG_3654passerellanotte

Et tu quid expectas?

Annunci

4 pensieri su “Miraculum actum est

  1. Salve!

    Magnopere gaudeo, quod paginam hanc inveni. Quoque discipula sum, et scriptor, atque amans linguae latinae. Rare inveniuntur feminae, quae latine commentarios scribunt, qua de causa certe pergam tuos legere, etiam spero te sententiis meis fructuram esse.

    Cura ut valeas

    quodiversusabis

    Mi piace

    1. Salve et tibi.
      Ego quoque cum possim lego quae in blogo tuo scribis. Videturne tibi “virocratia” in latine scribendo inesse? Nescio. Certe ego commentarios in diario interretiali scribere incepi pro me ipsa. Scribendo et errando spero fore ut melior fiam.
      Bene vale!

      Liked by 1 persona

      1. Etiam incepi de vita mea scribere, non modo ut linguam discerem, sed etiam memoriae causa. Ut verum dicam, in commentariis meis nuper tractatum scripsi de hac re – suntne puellae par pueris in discendo linguae latinae? Ut opinor, non est ‘virocratia’, viri enim nunc non consultō feminas excludunt. Nescio igitur cur feminae hunc sermonem discant et minime lingua utantur ad sententias exponendas. Sed nobis opus est pluribus mulieribus, quae latine scribunt.

        Mi piace

  2. Ré vérá tálem virocratiam putó equidem esse, etiamsí nón cónsultó. Nónnúllós virós quí ad Latínam colendam sé dent, ut opínor, quasí ínscientés féminás invidere. Nésció an causa sit quod secundum mórés trálátíciás vivere solent vel præoptant, vel quod mórés majórum eós ínficient, ut ita dicam, vérum causa nón refert; haudquáquam tálés indignitátés ínfacétiásque sunt tolerandæ.

    Dicendum’st, quod apud eós quí ephemeridés quidem interretiálés scribant tálés noxás numquam vidí, nec apud eós quí corporáliter cognóscem. Sed in albís interretiálibus (“mailing list”) eás vidí interdum, quá dé causá quæ subscríbent tacent vel subscríptiónés, nímírum, tollent.

    Mi piace

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...