Turris major Cremonae, ex magnitudine et altitudine (circiter 110 metra alta est) vernaculo idiomate Turratium nuncupata, ab anno 1267 usque ad annum 1305 aedificata est. Ex hac insigni Turri Cremonam quamplures auctores Turritam vocarunt.
Opus constat e duabus composituris superimpositis; prima est turris romanica gothicis pinnis praedita, secunda constituta est e duabus facturis octangulis (id est corona). 
In summo culmine globus et crux saeculo XVII creati stant.
Turratium praeditum est septem campanis septem Sanctis dicatis, inter quos Sanctus Homo Bonus (Sant’Omobono), patronus urbis, est.
Mirum horologium astronomicum, a Francisco Divizioli collocatum anno 1583, turrim exornat. 
Si Turratium ascendere vis, 502 gradus tibi scandendi sunt. 
Valde laboriosa est ascensio, sed in summa turri stans pulcherrimum aspectum Cremonae mirari poteris.
De secunda littera ‘T’ satis locutum est.
